Lingvohelpanto estas kompetenta esperantisto kiu korektas lecionojn de komencantoj cxe la koresponda kurso "Ana Pana" aux helpas al komencintoj cxe la kurso "Ana renkontas", kiu ricevas sialingvajn komentojn de lernu!-uzantoj kaj/aux respondas ilin aux tradukas kaj sendas ilin al la lernu!-teamo, kaj kiu povas lauxvole gvidi virtualajn lecionojn de Esperanto kaj ev. administri forumtemon por siaj samlingvanoj. Esti lingvohelpanto estas bona metodo interagi kun komencantoj tutmonde. Do, se vi bone parolas Esperanton kaj deziras helpi iel, sed ne scias kiel, estus bona eblo por vi! Oni povas vidi la liston de jamaj lingvohelpantoj cxe "pri lernu!/homoj_organizoj/lingvohelpantoj".
Cxu vi volas esti lingvohelpanto?
Se jes:
Registrigxu kiel uzanto de lernu!
Trairu lingvan B-ekzamenon (gxi trovigxas cxe "Mia lernu! / ekzamenoj"), se vi volas esti lingvohelpanto por la kurso "Ana Pana". Se vi volas esti lingvohelpanto por la kurso "Ana renkontas", necesas fari ankaux lingvan C-ekzamenon.
Kiam vi faros tion, adreso lingvohelpanto_xx@lernu.net (xx - via lingvokodo) ekplusendos mesagxojn ankaux al vi retposxtadreso.
Por lingvohelpantoj
Mi nun supozas ke vi sekvis la suprajn instrukciojn.
Bonvenon! Ni tre dankas vin pro via decido esti lingvohelpanto kaj helpi homojn tutmonde lerni Esperanton.
Kiam lernanto elektos vin kiel lingvohelpanton kaj sendos lecionon, vi retposxte ricevos atentigon pri nova korespondo cxe la kurso kun ligilo al speciala pgxo en lernu!. Gxi aspektas jene:
Temo: Nova korespondo cxe AP/AR de "zamenhof"
Mesagxo: ...
Por vidi la korespondon, alklaku per la mesagxo ricevitan ligilon. Gxi ekigos vian retumilon (Interret Esplorilon, Fajrovulpon aux simile) kaj malfermos pagxojn kun listo de korespondoj. Sercxu sub "Ricevitaj, ne responditaj" kaj trovu la lecionon de via lernanto. Tiel vi povos legi kaj korekti la korespondon pri kies alveno vi ricevis atentigon.
Alia maniero atingi la korespondojn (kaj ricevitajn, kaj senditajn) estas:
Ensaluti cxe lernu! per via salutnomo kaj pasvorto
Cxe "Adminejo" elekti "Lingvohelpantejo / Miaj korespondoj". Aux simple cxe "Mia angulo" klaki sur "Lingvohelpantejo: Korespondoj: (x)"
Nun vi vidas la korespondojn same kiel vi vidus ilin post alklako al la ligilo ricevita retposxte.
En la lingvohelpantejo vi povas vidi ne nur korespondojn, senditajn al vi, sed ankaux "Ceterajn korespondojn" - korespondojn, senditajn al aliaj lingvohelpantoj. Vi povas legi ilin, sed ne povas respondi. Sed se iu lingvohelpanto ne traktas korespondon dum 3 tagoj, gxi malsxlosigxas kaj alia lingvohelpanto povas gxin korekti. Do, se vi havos deziron, vi estas tre bonvena korekti tiajn korespondojn!
Krome, vi ekricevos cxiujn komentojn, kiujn uzantoj lasos (per la ligilo "Cxu vi havas komentojn pri tiu cxi pagxo?", kiu trovigxas malsupre de cxiu lernu!-pagxo) cxe vialingva versio de lernu!. Ni petas vin aux respondi tiujn komentojn kopie al cxiuj aliaj ricevintoj de la komento (simple uzu la butonon "Respondu al cxiuj" en via retposxtprogramo, por ke neniu respondu duoble) aux, se vi mem ne scias respondon, traduki la komenton al Esperanto kaj sendi al .
Se vi havas ajnajn demandojn pri tio cxi, bv. skribi al .
Kelkaj atentigoj
Apud cxiu mesagxo estas eta simbolo.
Signifoj de bildoj cxe "Miaj korespondoj"
- vi ankoraux ne malfermis la mesagxon (vi bonvenas malfermi kaj korekti gxin!) - vi jam malfermis la mesagxon (restis nur korekti gxin) - vi jam respondis al la mesagxo (NE respondu al cxi tiu leciono!)
Signifoj de bildoj cxe "Ceteraj korespondoj"
- lingvohelpanto, al kiu estis sendita la korespondo, ankoraux ne malfermis la mesagxon (vi rajtas gxin malfermi, legi, sed vi ne havos eblon respondi al gxi) - lingvohelpanto, al kiu estis sendita la korespondo, jam malfermis la mesagxon - lingvohelpanto, al kiu estis sendita la korespondo, respondis al la mesagxo - la korespondo estas "sxlosita". Aliaj lingvohelpantoj povas legi la korespondon, sed ne povas gxin korekti. Se apud la korespondo ne estas cxi tiu bildo, vi estas tre bonvena malfermi la mesagxon kaj korekti la korespondon!
Se vi volas vidi, kiel aliaj korektis lecionojn, bonvolu legi mesagxojn cxe "Ceteraj korespondoj" sub "Senditaj". Tiel vi povas pli bone scii, kiel oni respondas al lecionoj.
Kiel lingvohelpanto, vi havos ankoraux unu suficxe ne-tempo-raban kaj tute ne devigan taskon: cxar ni ofte ricevas komentojn pri lernu! en naciaj lingvoj, kiujn ni ne komprenas, ili auxtomate plusendigxas al lingvohelpantoj por tiuj lingvoj. Do, se vi ricevos iun komenton en lingvo, kiun vi komprenas kaj havos iomete da tempo, ni petas vin resumi gxin en Esperanto kaj sendi al . Se vi havos ecx iom pli da tempo, kaj povos reagi al la komento/demando aux traduki nian reagon/respondon. Tio estos grandega helpo al ni kaj al lernu!-uzantoj.
Retposxta traktado de korespondoj
Vi povas korekti la korespondojn ecx sen ensaluti cxe lernu! . Sed por tio:
Via retadreso devas esti valida.
Via programo devas bone trakti unikodon.
De tempo al tempo vi devas veni al la reta lingvohelpantejo por kontroli, cxu cxiuj mesagxoj atingis vin retposxte.
Cxiu alvenita retposxta mesagxo de uzantoj (krom konfirmoj pri sendoj) devas esti traktita. Vi povas aux simple respondi gxin, tiukaze uzanto ricevos tiun respondon. Aux vi povas respondi la mesagxon kaj en la temlinio skribi la vorton "marki", tiukaze la mesagxo ne sendigxos al la uzanto, sed nur estos markita kiel respondita. Se vi ignoros iun mesagxon de uzanto, gxi dauxre restos en la datumbazo kiel nerespondita kaj iu alia lingvohelpanto povos respondi gxin. Se tio okazos, la sistemo pensos, ke vi igxis malaktiva kaj forigos vin de la listo de aktivaj helpantoj.
Post cxiu via respondo, vi devas ricevi konfirmon de la sistemo. Se tio ne okazis, venu al la lingvohelpantejo por ekvidi, cxu okazis iu problemo kaj informu la administrantojn pri gxi.
La samajn klarigojn vi trovos ankaux cxe: http://www.lernu.net/adminejo/lingvohelpantejo/index.php. Tie vi ankaux povos sxangxi vian staton (aktiva/malaktiva) kaj indiki, cxu vi volas trakti la korespondojn retposxte aux ne (t.e. cxe lernu!).
Konsiloj por Lecion-korektado
Salutu kaj bonvenigu cxiun lernanton en la unua leciono
Respondu al lecionoj per via nacia lingvo. Tio estas la plej bona maniero por certigi, ke la lernanto komprenos cxion. (Krom se vi estas lingvohelpanto por esperanta versio de la pagxaro, en kiu kazo vi klopodu uzi nur Esperanton.)
Memoru ke "Gxi simple sonas pli bone tiel" aux "Tiu dirmaniero ne gxuste sonas" ne estas tauxgaj kialoj por korektoj de leciono. La PMEG estas bonega fonto de informo por cxiuj viaj lingvaj demandoj. Uzu gxin!
Provu cxiam uzi saman manieron por marki erarojn kaj proponi respondojn, por ke la lernanto ne devu cxiufoje pensi pri tio, kion signifas kio. Unu el la manieroj estas reskribi frazojn en kiuj la lernanto faris eraron, skribante la senerarigitajn vortojn MAJUSKLE. Aldonaj klarigoj pri eraroj povus aperi inter krampoj, en nova alineo aux simile.
Al via korekto de la fina leciono, aldonu konsilon por dauxrigo de Esperanta studo, ekz. la "Ana renkontas" aux "Jen nia IJK" kursoj, Gerda Malaperis, kaj la biblioteko de lernu!.
Demandoj
Se vi havas demandon, vi povas meti gxin cxi tien (simple klaku "Redaktu la pagxon" malsupre), sendi mesagxon al aux al . Oni cxiukaze provos respondi al vi, lingvohelpantoj!
http://www.lernu.net/pri_lernu/homoj_organizoj/lingvohelpantoj.php
- vi ankoraux ne malfermis la mesagxon (vi bonvenas malfermi kaj korekti gxin!)
- vi jam malfermis la mesagxon (restis nur korekti gxin)
- vi jam respondis al la mesagxo (NE respondu al cxi tiu leciono!)
- la korespondo estas "sxlosita". Aliaj lingvohelpantoj povas legi la korespondon, sed ne povas gxin korekti. Se apud la korespondo ne estas cxi tiu bildo, vi estas tre bonvena malfermi la mesagxon kaj korekti la korespondon!